មេបញ្ជាការកងទ័ពជើងគោក ចុះពិនិត្យ ការដ្ឋានស្ថាបនាផ្លូវ ស្រុកគាស់ក្រឡ

0085(1)ថ្ងៃទី ០១ ខែមេសា ឆ្នាំ២០១៤ ឯកឧត្តមនាយដឧត្តមសេនីយ៍ មាស សុភា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងទ័ពឮជើងគោក បានដឹកនាំគណៈប្រតិភូកងទ័ពជើងគោក ចុះពិនិត្យ ការដ្ឋានស្ថាបនាផ្លូវ មួយខ្សែ ក្នុងស្រុកគាស់ក្រឡ ខេត្តបាត់ដំបង ដែលបាន និងកំពុង កសាង ដោយកម្លាំង វិស្វកម្មកងទ័ពជើងគោក។

លោកវរៈសេនីយ៍ឯក ដួង សុភឿន មេបញ្ជាការរងកងកម្លាំងវិស្វកម្ម និងជាប្រធាន ការដ្ឋាន និងឯកឧត្តមឧត្តសេនីយ៍ទោ អ៊ុច វ៉ាន់ថា នាយរងសេនាធិការ និងជាមេបញ្ជាការ វិស្វកម្មកងទ័ពជើងគោក បានឲ្យដឹងថា ផ្លូវខ្សែ ប្រវែង ២០ ៣០០ម៉ែត្រ ស្ថិតក្នុងឃុំ ឆ្នាល់មាន់ ស្រុកគាស់ក្រឡ ខេត្តបាត់ដំបង នេះបានផ្តើមស្ថាបនា ពីថ្ងៃទី ២១ ខែធ្នូ ឆ្នាំ២០១២ ដល់ថ្ងៃទី ៣០ ខែឧសភា ឆ្នាំ២០១៣ បានបញ្ចប់ក្រោមគម្រោងចំនួនពីរ។

មានប្រសាសន៍ សំណេះសំណាល ក្នុងឱកាសនោះ ឯកឧត្តមនាយឧត្តមសេនីយ៍ មាស សភា បានសម្តែងការកោតសរសើរ ចំពោះនាយទាហាន នាយទាហានរង ពលទាហាន នៃកងកម្លាំងវិស្វកម្មកងទ័ពជើងគោក នៃការដ្ឋានស្រុកគាស់ក្រឡ ទាំងអស់ដែលបានខិតខំ យកអស់កម្លាំងកាយចិត្ត ទោះបីជាថវិកា ស្ថាបនានៅមានកម្រិត ក៏បងប្អូនម្ចាស់ការ តស៊ូសម្រេច ភារកិច្ច ជូនរាជរដ្ឋាភិបាល ក្នុងការគាំទ្រ អនុវត្តន៍នយោបាយ យុទ្ធសាស្ត្រចតុកោណ ដំណាក់កាលទី ៣ រួមជាមួយ រាជរដ្ឋាភិបាល ដំណើរការ កសាង អភិវឌ្ឍន៍ជាតិ បន្តកាត់បន្ថយភាព ក្រីក្រ ជូនប្រជាពលរដ្ឋយើង។

ឯកឧត្តមនាយឧត្តមសេនីយ៍ មាស សុភា បានពាំនាំ ការជូនពរឆ្នាំថ្មី ពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ឯកឧត្តមឧបនាយរដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្តមអគ្គមេបញ្ជាការ អគ្គមេបញ្ជាការរង ជូនចំពោះបងប្អូន កម្លាំងវិស្វកម្ម ទាំងអស់ ដែលកំពុងបំពេញភារកិច្ច កសាងអភិវឌ្ឍន៍ជាតិ ព្រមទាំងបាននាំយក ថវិកាចំនួន ៤លានរៀល គ្រឿងឧបភោគបរិភោគ រួមមាន អង្ករ ទឹកត្រី ទឹកស៊ីអ៊ីវ ត្រីខ ស្ករស ប្រេងឆា មី ជូនដល់កម្លាំង វិស្វកម្មកងទ័ពជើងគោក ប្រចាំការដ្ឋានស្រុកគាស់ក្រឡដែរ៕

Be the first to comment

Leave a Reply

Your email address will not be published.


*