ពិធីបិទ និងបើកវគ្គជំនាញរថក្រោះ រថពាសដែក វរៈសេនាតូច រថក្រោះលេខ៦៩ យោធភូមិភាគទី ៤

0084(4)នៅបញ្ជាការដ្ឋាន វរៈសេនាតូចរថក្រោះ លេខ៦៩យោធភូមិភាគទី ៤ កាលពីថ្ងៃទី ២៦ ខែមិនា ឆ្នាំ២០១៤ ឯកឧត្តមនាយឧត្តមសេនីយ៍ មាស សុភា អគ្គមេបញ្ជាការរងនៃកងយោធោពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញជាអធិបតី ក្នុងពិធីបិទវគ្គ ហ្វឹកហ្វឺន បំប៉នជំនាញរថក្រោះ រថពាសដែក ឆ្នាំ២០១៣ និងបើកវគ្គបន្តសម្រាប់ឆ្នាំ ២០១៤។

លោកវរៈសេនីយ៍ទោ សូ ម៉េត មេបញ្ជាការវរៈសេនាតូច រថក្រោះលេខ ៦៩ បានឲ្យដឹងថា វគ្គហ្វឹកហ្វឺនបំប៉នជំនាញរថក្រោះ មានសមាសភាពចូលរួម ៥៦នាក់  ក្នុងនោះមាន សិក្ខាកាម ចំនួន ៣៥នាក់ រយៈពេលហ្វឹកហ្វឺន ៦២ថ្ងៃ។ ឯកឧត្តម ក៏បានគូសបញ្ជាក់ ពីតួនាទីភារកិច្ច យ៉ាងសំខាន់ និងចាំបាច់បំផុត របស់អង្គភាពរថក្រោះ រថពាសដែក កាលក្នុងសម័យសង្រ្គាម រថក្រោះ រថពាសដែក មានតួនាទី ជាលេណដ្ឋានផង ជាអាវុធគាំទ្រផង និងពេលខ្លះជាអ្នកស៊ើបការណ៍ និងជាកម្លាំងវិស្វកម្មផងដែរ។

ឯកឧត្តមបានផ្តាំផ្ញើរ ដល់សិក្ខាកាម បញ្ចប់វគ្គ និងសិក្ខាកាមបើកវគ្គ ត្រូវ ខិតខំស្រាវជ្រាវ ឯកសារថ្មីៗ ថែមទៀត ដើម្បីបង្កើន សមត្ថភាព ប្រើប្រាស់ទាំងបច្ចេកទេស និងយុទ្ធវិធី បែបទំនើប និងមានលក្ខណៈ វិទ្យាសាស្ត្រ ត្រូវគោរពបទបញ្ជា ក្រឹត្យវិន័យ ដើម្បីបង្កើនសមត្ថភាព រៀនសូត្រ បន្តគោរព អនុវត្តន៍នយោបាយ យុទ្ធសាស្ត្រចតុកោណ ដំណាក់កាលទី ៣ របស់រាជរដ្ឋាភិបាល ដើម្បីកំណើន សេដ្ឋកិច្ចជាតិ កាត់បន្ថយភាពក្រីក្រ ជូនប្រជាពលរដ្ឋ យើង បន្តកសាងអង្គភាពរឹងមាំ លើគ្រប់វិស័យ និងរក្សាសាមគ្គីភាពផ្ទៃក្នុង។

ក្នុងឱកាសនោះ ឯកឧត្តមនាយឧត្តមសេនីយ៍​ មាស សុភា បានឧបត្ថម្ភថវិកា ចំនួន ៥លានរៀល ឯកឧត្តមឧត្តមសេនីយ៍ឯក ជា ម៉ន បានឧបត្ថម្ភថវិកា ចំនួន ២លានរៀល សម្រាប់ការបិទ និងបើកវគ្គផងដែរ៕

Be the first to comment

Leave a Reply

Your email address will not be published.


*