ពិធីប្រជុំផ្សព្វផ្សាយ លទ្ធផលការងារឆ្នាំ២០១៣ ទិសដៅឆ្នាំ ២០១៤ របស់យោធភូមិភាគពិសេស

ថ្ងៃទី ១៨ ខែកុម្ភៈ ឆ្នាំ២០១៤ ឯកឧត្តមនាយឧត្តមសេនីយ៍ មាស សុភា អគ្គមេបញ្ជាការរងនៃ កងយោធពលខេមរភូមិន្ទ និងជាមេបញ្ជាការ កងទ័ពជើងគោក បានអញ្ជើញ ជាអធិបតី ក្នុងពិធីប្រជុំផ្សព្វផ្សាយ លទ្ធផលការងារ យោធាឆ្នាំ២០១៣ និងទិសដៅឆ្នាំ២០១៤ របស់យោធភូមិភាគពិសេស។

មានប្រសាសន៍សំណេះសំណាល ក្នុងឱកាសនោះ ឯកឧត្តមនាយឧត្តមសេនីយ៍ មាស សុភា បានសម្តែងនូវការអបអរសាទរ ចំពោះនាយទាហាន ទាំងអស់ ព្រមទាំងបណ្តាកងឯកភាពមួយ ចំនួនទៀត ដែលទទួលបាននូវ ការលើកសរសើរ ពីព្រះមហាក្សត្រ ពីប្រមុខរាជរដ្ឋាភិបាល ក្រសួងការពារជាតិ អគ្គមេបញ្ជាការ មេបញ្ជាការកងទ័ពជើងគោក និងយោធភូមិភាគពិសេស។  ឯកឧត្តម បានសម្តែង ការកោតសរសើរ ចំពោះស្នាដៃ ដែលគ្រប់ កងឯកភាពចំណុះ យោធភូមិភាគពិសេស សម្រេចបាន ក្នុងឆ្នាំកន្លងមក និងបានវាយតម្លៃ ខ្ពស់ពីលទ្ធផល ដែលសម្រេចបាន ព្រមទាំងបាន ឯកភាពចំពោះទិសដៅ ដែលបានដាក់ចេញ សម្រាប់ការបន្តអនុវត្តន៍ ក្នុងឱកាសនោះ ឯកឧត្តមនាយឧត្ត្មសេនីយ៍ មាស សុភា ក៏បានគូសបញ្ជាក់ពីសភាពការណ៍ជាតិ និងអន្តរជាតិ និងបានឆ្លុះបញ្ចាំង ពីនយោបាយ ដឹកនាំរបស់រាជរដ្ឋាភិបាល ដែលបាន និងកំពុងដឹកនាំ នាវា កម្ពុជា ឆ្ពោះទៅកាន់ការអភិវឌ្ឍន៍ ស្របតាមនយោបាយ យុទ្ធសាស្ត្រចតុកោណ ដែលបានដាក់ចេញ។

ក្នុងឱកាសនោះឯកឧត្តមនាយឧត្តមសេនីយ៍ មាស សុភា បាននាំយកថវិកា ចំនូន ១០លានរៀល ឧបត្ថម្ភ កម្មវិធី បិទវគ្គអង្គប្រជុំ និងនាំយកអំណោយ ឯកឧត្តមឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ មានគោពូជ គ្រាប់ពូជបន្លែគ្រប់មុខ ធុងបាញ់ថ្នាំសម្លាប់សត្វល្អិត ធុងចម្រោះទឹកស្អាត និងសម្ភារៈ មួយចំនួនទៀត ជូនដល់បណ្តាកងឯកភាពមាន ស្នាដៃល្អ ក្នុងចលនាប្រឡងប្រណាំងផងដែរ៕

Be the first to comment

Leave a Reply

Your email address will not be published.


*